Dende esta Sección Sindical queremos denunciar o
“abandono forzado” do servizo público que temos que prestar dende a CRTVE.
Este abandono
estase levando a cabo en contra da vontade das/os traballadoras/es.
As últimas
decisións tomadas por parte de distintas Direccións da CRTVE están tratando de
valeirar a Empresa do seu contido como Servizo Público.
Xa denunciamos no
seu día o trato que se lle da o Galego
( http://cntrtvegalicia.blogspot.com.es/2014/09/na-defensa-do-uso-do-galego-nos-medios.html
) presentando unha queixa formal ó Consello de Informativos que na acta da súa
última xuntanza ven de dar a razón a CNT.
Puntualiza que cando as declaracións de quen sae en imaxe
son en galego o mais axeitado é usar o subtitulado, tal e como xa se recomenda
no “Manual de Estilo de RTVE”, respetando deste xeito a Lei
17/2006, do 5 de xuño, da Radio e a Televisión de titularidade Estatal, mais
concretamente nos seguintes artigos:
- Artigo 3. Encomenda
do servizo público de radio e televisión
- Artigo 7. Estrutura
da Corporación RTVE.
- Artigo 28.
Pluralismo e dereito de acceso.
- Artigo VI, A Linguaxe en RTVE. 6.5.8.9.
Nomes e Topónimos. Subtítulos e doblaxe
Tamén vimos de
denunciar un acto de censura que, por desgracia, non é un caso aillado na nosa
Empresa ( http://cntrtvegalicia.blogspot.com.es/2014/10/censura-en-crtve-galiza.html
), sobre a non cobertura dun
acto en contra do peche da Onda Curta protagonizado por mariñeiros galegos,
cando xa estaba todo pechado para facer a reportaxe, despois de “recibir unha
chamada”.
Son estos dous
casos, o uso do galego e a emisión de Radio Exterior de España por onda curta,
dous exemplos claros de servizo público e o que se está a facer por parte da
Dirección claramente deixan ver cal é a estratexia que pensan seguir.
Por un lado
trátase de eliminar todo o que nos xustifica como servizo público e por outro
afogarnos financieiramente, para ó final xustificar unha reducción forzosa de
persoal, unha privatización ou, como xa fixeron con outras empresas públicas de
comunicación, un peche.
Estos demócratas?
non queren unha CRTVE independente e con unha financiación estable, na que as
persoas que traballamos nela poidamos derenrolar o noso traballo libremente e
ca profesionalidade que levamos demostrado ó longo de moitos anos.
Estamos fartos/as
de que non se aposte por ter unha producción propia que ocupe a totalidade da
plantilla, unha carreira profesional para que os mellores desta casa estén onde
deberían de estar e que deixen de vir directivos externos ben pagados a
esquilmar ó Público, e a gota que colma o vaso é o feito de poñer nas xefaturas
dos informativos as persoas dos seus gabinetes de prensa... xa non teñen nin un
mínimo do que hai que ter.
Por todo isto
queremos deixar moi claro ante a opinión pública, que a inmensa maioria dos e das tralladores e
traballadoras de CRTVE non estamos de acordo ca deriva que está collendo esta
nosa Empresa, polo que a CNT non deixará de denunciar estes feitos que nos
apartan do noso cometido, que non é outro, que ofrecer unha información veraz e
independente.
O PUBLICO É SERVIZO,
O PRIVADO BENEFICIO.
No hay comentarios:
Publicar un comentario