Chegaron os coches....

..... supoñemos que para as Unidades Informativas de Lugo, Ourense e Vigo.

 Dende esta Sección Sindical comprobamos o luns 2 decembro que había 3 coches aparcados ó lado do Centro Territorial.
 Non sabemos se tivestedes comunicación oficial ou extraoficial, pero parece que o feito de que teñades que conducilos nas Unidades Informativas parece algo inminente.
 Dicirvos que esta Sección Sindical non tivo coñecemento disto ata que o comprobamos con nosos propios ollos, non sabemos se pasou o mesmo co resto de Seccións Sindicais ou mesmo co Comité de Empresa.

 Dende esta Sección creemos que van ter que cambiar algúns xeitos de traballo nesta Empresa, non creeemos que valoraran o feito de que o ter que conducir, tamén hai que aparcar, secadra hai que ir co coche a descargar, e logo ir aparcalo e volver andando o lugar da noticia,etc.etc. Polo que o ritmo de traballo non poderá ser o mesmo.

 Saudos.

Asemblea 12 de novembro de 2013,no Centro Territorial da CRTVE en Santiago de Compostela.

Esta asemblea foi convocada polo representante de USO no comité de Empresa de Galiza, Manuel Midón.
Asisten unhas 25 persoas, algunhas veñen cando xa comezou a asemblea e outras vanse antes de rematar a mesma.

Comeza falando Manuel Midón.
Comenta o cambio da Directora de RRHH e informa de que mañá mércores hai reunión entre a Dirección e os secretarios xerais dos sindicatos do CI e logo, o xoves e venres, haberá xuntanza do CI (Comité Intercentros). Esperase que na xuntanza ca Direccción, esta “propoña algo”.
Comenta que nas asembleas de Madrid hai moi mal ambente entre os dous sindicatos maioritarios, UGT e CCOO.
Seica habería posibilidade de que se nos aplicasen varios convenios distintos, pero que cree que a Dirección da Empresa non está por esa cuestión.
Tamén sobre algún “run run” sobre o de que se aprobara un Convenio de eficacia limitada, algún dos asistentes a asemblea no turno de preguntas voltou a plantexar esta opción, dixo que legalmente non cabia esa opción, ainda que existia o caso da Nissan en Barcelona, saiu nun programa da Sexta o martes ou o luns (non me quedou claro).

Un traballador pregunta sobre posibles “filtraccións á prensa afín” á Dirección da Empresa. Midón di que, basándose nas conversas entre a Dirección e os secretarios dos sindicatos, non houbo ningunha filtración.
Considera que a Dirección quere acordo.
Ve un gran problema na desunión sindical que existe na Empresa.

Alguén propón que 1 ou 2 días antes de que se remate o prazo dado pola Dirección (1 de Decembro) se convoque un novo referendum co que haxa.
Midón di que está comprometido nos preacordos firmados, tanto polos sindicatos como pola Dirección, que antes de firmar nada debe pasar por un referendum.

Alguén plantexou se cabia a opción de que se firmara o acordado entre Dirección e sindicatos do SI para aplicalo nos CCTT, xa que foi onde gañou o SI dun xeito maioritario e Madrid que negociaran algo para eles.
O representante de USO dixo que esa opción no era posible.

Tanto Midón como algún dos presentes, comentaron que sería interesante levar unha proposta unitaria do conxunto de traballares/as de Galiza, ó final non se fixo.

Un traballador dixo que podian falar algúns representantes doutros sindicatos, tanto dos do SI como dos do NON, que se atopaban na asemblea. Neste momento aproveitou o Delegado de CNT para dicir que a CNT pedira o NON, que dos 4 sindicatos que pediran o NON so había un que tiña opción de estar na mesa de negociación, CCOO (non estaba presente na asemblea). Tamén dixo que non pediran o NON por estar en contra de facer recortes, senón que se fixo por estar en contra destes recortes, para CNT é intolerable que se manteñan as “viudedades” e por outra banda se recorte en salarios, antiguedades,...
Tamén pediu respeto paa o resultado do referendum, xa que se oían algúns comentarios polos pasillos que estaban fora de lugar.

Outro traballador mostrou o seu malestar pola folla de recollida de firmas que andaba circulando pola redacción de TVE. Non lle gustaba o feito de que non se pasara por RNE, nin tampouco a folla en si. Nesta folla pídese os secretarios xerais dos sindicatos USO, UGT e SI, que pasen por riba do resultado do referendum e firmen a proposta de Convenio. Pregunta quen está detrás deste papel.
Midón dille que é un xeito de facer as cousas, que se pode tramitar este tipo de malestar a través do Comité de Empresa ou, a iniciativa dun traballador ou dun grupo de traballadores, se poden recoller firmas para mostrar o descontento con algunha cousa. Algo similar as Iniciativas Lexislativas Populares.

Bueno, esto foi, un pouco por enriba, o que se tratou na asemblea, algunha cousa seguro que se me esquece, polo que vos pido desculpas.

Apuntes da Sección Sindical da CNT en RTVE Galiza.
A plantilla participou dun xeito bastante masivo no referendum e dixo que non queria a proposta que había enriba da Mesa.
É obriga de todos os sindicatos, dende a unidade de acción, defender a opinión do conxunto de traballadoras/es expresada a través do referendum e buscar unha saída a esta situación.
NON E TEMPO DE ANDAR A PROCURA DE INTERESES INDIVIDUAIS.
Tamén pedimos dende esta Sección, como non pode ser doutro xeito, a unidade de toda a plantilla. Estamos na situación que estamos, a algúns/as non lles gusta e prefiririan cambiar o pasado, pero iso non é posible. O que si será posible, si mantemos a unidade, e sair desta situación de incertidumbre dun xeito aceptable.
Xa sabemos que son tópicos, pero non debemos esquecer que a Dirección está no “divide e vencerás” e nos debemos estar en “ a unión fai a forza”.

Alternativas y cambio de modelo en RTVE

En primer lugar, queremos reconocer el esfuerzo y la madurez con que se ha afrontado este intento de coacción que ha sido el referéndum y ha estructurado el rechazo a estos recortes asimétricos y a esta manera de hacer las cosas. Se tenía que decir que NO a la extorsión y así ha sido. 

Dicho esto y entendiendo el momento incómodo en el que estamos, esta sección quiere hacer un llamamiento para que todo trabajador y trabajadora esté donde le toca y no se posicione en un lugar distinto. Los acuerdos a los que se llegaron han sido rechazados por la mayoría de la plantilla pero esto no ha ocurrido por ningún motivo personal y no tiene que ser óbice para que en esta nueva situación, todos y todas nos mantengamos unidos. Solo faltaría que alguno, por despecho y claro analfabetismo emocional, propusiera a la dirección o a cualquier delegado de Hacienda con el que se hubieran de reunir, que se hicieran aquí despidos, ¡sería para colgarlo!

El recorte que se nos ha presentado en RTVE ha tenido y tiene un trasfondo ideológico y responde al mismo modo de hacer las cosas de siempre, perjudica más a quienes menos tenemos, precisamente, aquellos trabajadores individuales sobre los que cada vez más, recae la responsabilidad de cuidar de este servicio público esencial, ora resolviendo mediante nuestro trabajo las deficiencias de gestión del día a día, ora enfrentándonos como conjunto a una ley, que de ser aprobada, nos obligará a prescindir de una cantidad de nuestra masa salarial y por ello, a luchar porque ese recorte del todo injustificado, deba distribuirse de otra manera, tenga el menor impacto posible en la clase trabajadora y desde luego, sea lo más justo y equilibrado posible.

Referendum II Convenio CRTVE.

Vota NON

A proposta do II Convenio Colectivo para a CRTVE.

Visita do secretario xeral da UGT-RTVE.

Lugar/hora : Plató grande / sobre as 14:35 horas.

Asistentes: 18 traballadoras/es.

 A continuación facemos un resumo do que se falou na xuntanza:

 Comezan a charla felicitando á plantilla polo traballo realizado con motivo do accidente ferroviario do pasado 25 de xullo.

 A negociación deste II Convenio da Corporación, remata o 30 de setembro deste ano. E, tal e como se comprometera a parte social, someterase a referendum antes da firma.

 Non é un bo acordo, pero vendo o contexto xeral no que nos atopamos, dentro do malo é o mellor posible.

 O tridente formado por SEPI, Facenda e Dirección de RTVE plantexaba un recorte de 39 millóns de euros da masa salarial, isto pòdiase facer de 2 maneiras, unha negociada e outra sen negociar, imposta pola parte “dominante” (o tridente ) o cal implicaria ben un ERE, ata aforrar a cantidade proposta ou ben un “descuelgue” de Convenio (total ou parcial), o que daria lugar a que se nos aplicase o Estatuto dos Traballadores/as. Grazas a negociación conseguiuse rebaixar a cantidade plantexada inicialmente de 39 a 28,5 millóns de euros.

 Un apunte que volveron a remarcar, xa o fixeran noutras xuntanzas, é que a masa salarial representa mais dun 40% do total dos presupostos da Empresa, e iso, seica, non pode ser. Imaxinamos dende esta Sección sindical que isto está marcado nas regras de xogo do actual sistema fascista/capitalista.

 Seica houbo cousas innegociables pola parte social, cousas que non estaban dispostos a que se tocaran:

 - Mantemento da plantilla acordada no Acordo dos Peñascales (onde se acordaron as condicóns da xente que entrástedes a partires desa data) durante a vixencia do Convenio. Isto tamén figuraba no I Convenio da Corporación, o de ligar plantilla a vixencia do Convenio.

 - Que non se aplicara movilidade xeográfica, algo que si permite a Reforma laboral. Parece ser que si se pode aplicar actualmente as persoas que leven menos de 5 anos na Empresa (¿?).

 - Mantemento da actual estructura territorial, 32 persoas en CC.TT. de TVE, 16 nos de RNE e 6 nas UU.II.

 - Retirada do contrato fixo-discontinuo, que xa se pretendia aplicar os/as compañeiros/as do Coro e Orquesta de RTVE, e con tempo, quen sabe a quen mais.

 Qué cousas vanse cambiar/recortar?

 - Conxelación dos saltos de nivel durante un tempo, non se van eliminar.

 - Antiguedade. Actualmente o máximo son 11 trienios, facendo unha media salian a 80 euros por trienio, pasaran a ser todos de 60 euros. Estase negociando que o cambio se faga a partir de que se cobre o trienio que se esté xenerando.

 - Cambio/eliminación das rutas de transporte. O que estamos cobrando por transporte en Santiago de Compostela recortarase nun 50%.

 - Recorte dun 25% da paga de Marzo. O que quede e mais a de Setembro prorratearase entre o resto para ter 14 pagas en lugar das 16 que temos agora.

 - Recorte dun 100% da paga dos 10 anos, liquidarán a parte proporcional que nos corresponda á firma do Convenio. O mesmo pasará cas vacacións dos 20 anos.

 - recorte dun 5% en todos os complementos.

 - Recorte nas comidas, pagarán un 50% menos.

 Este Convenio tería vixencia ata o 31 de decembro de 2015, tendo a partires desa data 1 ano para negociar o novo, polo que podería acabar tendo vixencia ata o 31 de decembro de 2016. Pode denuncialo calquera das 2 partes firmantes 4 meses antes de rematar a súa vixencia (31/12/2015).

 Tamén se está negociando o das novas categorias.

Xa sabedes que a maravillosareformalaboralquesolucionarátodososproblemasdomercadolaboralparoincluido favorece a parte Empresarial, polo que  non nos espera nada bo (isto decimolo nos, a CNT).

 O noso delegado sindical preguntou se sabían como se nos ia compensar o traballo feito con motivo do accidente ferroviario do 25 de xullo, que facía case 2 meses e ainda non sabiamos se íamos cobrar, ou qué? Seica a Dirección da Empresa non pagará a través dunha “gratificación xenerosa” pero que non sabía canto ía ser.

 Tamén comentou que pasaba ca reivindicación dos 3 cámaras de Santiago de Compostela que actualmente está reclamando plus de disponibilidade para todos/as. Dixo que o mirarian nas próximas semanas.

 Bueno, mais ou menos, isto foi o que se tratou. Como sabedes dende esta Sección Sindical procuramos tervos  informados/as de todo o que poidamos, o cal non é moito, xa nos gustaria ter mais información, pero iso non depende de nos.

 Sección Sindical da CNT en RTVE-Galiza.

Kontra a Troika, Kaña!!!!!!!!!!!

Unha nova concentración.

Outra concentración mais.

 Qué cansinos/as!!!!!!!!!

Concentración do martes 21 de maio en Compostela

Como faltaba un, colgo esta foto a maiores.

Los trabajadores de TV3 y Catalunya Ràdio proponen cogestionar la cadena

 

BARCELONA// En un momento de recortes en la Corporació Catalana de Mitjans Audiovisuals (CCMA), el ente que gestiona TV3 y Catalunya Ràdio, los trabajadores, organizados en comisiones que surgieron de una multitudinaria asamblea celebrada el 21 de marzo pasado, han lanzado la propuesta de modificar el sistema de gestión que se viene desarrollando en la CCMA en los últimos 30 años para evolucionar hacia un sistema de cogestión basado en el modelo alemán.

Concentración do martes 7 de maio en Compostela

Concentración do martes 23 de abril en Compostela

Concentración do mércores 17 de abril en Compostela

Esta semana mudamos a concentración prevista para o martes con motivo de que coincidise ca visita da Directora de Centros Territorias, o mércores as 14:30 horas.
 Foi a mais numerosa de todas as que levamos feitas.
 Grazas a todas e todos pola vosa participación.

Xuntanza da Directora de CC.TT. cos Sindicatos de RTVE-Galiza.

Comezouse falando, por parte dos Sindicatos, sobre o turno de fin de semana. Preguntaron se se ía manter ou non?.

 A Directora de CC.TT. dixo estar en contra do turno de fin de semana, ela é partidaria de cubrilo ca xente que teña disponibilidade. Do mesmo xeito que se fai noutros Centros cos reporteiros gráficos que cubren o fin de semana.

 Si considera que debe existir este turno en Andalucia, Cataluña e Valencia pola carga de traballo, en Euskadi pola situación política e en Castela León, pola extensión do territorio.

 Sin embargo, pese a súa opinión, non vai a eliminar este turno no noso Centro, xa que esto quedará solventando cando se remate de negociar o novo Convenio.

 En canto o plus de programas está a favor de que pasen por Convenio, e ela sería partidaria de que nos CC.TT. so o tivera o/a realizador/a. Argumenta que o único programa do Centro é o Informativo e que a responsabilidade do/a realizador/a nesa media hora é absoluta.

 Comentouselle que, ultimamente, se estaba abusando do plus de disponibilidade no departamento de reporteiros/as, que habia un só plus para tres persoas, o que fai que en algúns casos se den situacións non desexables.

 Tamén se comentou dende os Sindicatos que neste Centro Territorial se estaba facendo xa, un gran esforzo, en canto a que había xente que facia mais funcións das que lle competen a súa categoria.

 Sobre o de ter mais pluses dixo que iso é cousa da asignación presupuestaria do Centro.

 Dixo que ela cumpliu co que prometera que ia face ata abril: sinerxias en algún centro, aumento da producción para o Informativo nacional,... Que o feito de facer o percorrido por Galiza era para someterse a unha especie de evaluación continua, xa que voltará de cando en vez.

 Apuntouselle o malestar de alguns/as traballadores/as de RNE que se queixan de que en moitos casos o único que fan é de “pes de micro para TVE”.

 Contestou que as sinerxias e a integración serán mellores cando se comparta espazo.

Preguntouselle pola formación, a Directora dixo non ter información de primeira man, xa que esa negociación non a estaba levando ela, que os Sindicatos presentes nesa mesa terán a información de como van as cousas.

 Si dixo que os/as traballadores/as teñen dereito a formación e que a Empresa ten a obriga de darlla. Que a formación “é pasta”, polo que lle hay que sacar un rendemento. Hai que usar a xente formada, senón, para que se lle da a formación? Tamén dixo que a formación será igual tanto nos CC.TT. como nas UU.II.

 Esta formación xa se poderá dar, sempre e cando sexa de forma voluntaria, mentres non esté contemplada no novo Convenio, firmada entre a parte social e a Dirección, non será obrigatoria. Cando non sexa expresamente aceptada de forma voluntaria polo/a traballador/a, deberase esperar a que esté completamente regulada.

 Tamén se lle preguntou que, xa que en RNE se iba incrementar a programación, se tamén se ía facer en TVE.

 Contestou que a prioridade era incrementala en RNE.

 Sobre se se ía manter a cabeceira de RNE en A Coruña, dixo que sempre haberá CRTVE en A Coruña, que o tema da cabeceira xa é unha decisión mais política, que era algo no que non pensaba xa que formaba parte da 3ª fase do Proxecto.

 A súa opinión persoal era que prefería mover a producción antes que ós/ás profesionais, que prefire que a xente traballa onde quere estar. Puxo o exemplo de Castela A Mancha, onde o Centro Territorial está en Toledo pero edítase dende Cidade Real,e non hai problema, está funcionando ben.

 A Directora de CC:TT. Ostrouse en desacordo de cómo se estaban xestioando as Terrenas, xa que non lle parecia ben que se nutriran de persoal do Centro e logo a xestión se fixera dende Madrid.

 Comentou que para a semana que ven, vai haber unhas xornadas de traballo en Madrid a que asistirán todos os xefes de medios dos Centros Territoriais, xefes de Informativos, responsables técnicos de Madrid, etc.etc. para tratar todos estos aspectos que afectan os CC.TT.

 Sobre a orde dos micros de corbata,volveu a recalcar, “cando as condicións así o permitan, usaranse os micros de corbata”. A Ela parecelle que queda mais elegante.

 Pediuselle un equipo lixeiro de iluminación para o departamento de Reporteiros/as gráficos/as. Tomou nota.

 Un compañeiro propúxolle que tanto Mariló Montero como Ana Blanco, ó remate de “Por la mañana” e do “Telediario”, podían dar paso a información dos CC.TT. que era algo que non costaba pasta e que podería quedar moi ben.

 A Directora agradeceu a idea, pareceulle moi boa.

Bueno, isto mais ou menos foi o acontecido. Podedes facer as vosas aportacións/correcións a través dos comentarios desta entrada.

 Pedimos desculpas polos posibles erros, en caso de que os haxa, non son intencionados.

 Para esta Sección Sindical é moi importante que a plantilla, na súa totalidade, esté informada, polo que todo o que esté na nosa man para que así sexa farémolo.

Xuntanza da Directora de CC.TT. cos/as traballadores/as de RTVE Santiago de Compostela.

  A continuación expoñemos de modo bastante resumido o que foi a visita da Directora de CC.TT. (Nekane) ó Centro Territorial de RTVE en Galiza. Pedimos desculpas polos posibles erros que se poidan cometer, se alguén o considera, pode facer aportacións a través dos “comentarios” desta entrada no noso/voso blogue.

Asistentes: 29 persoas.

 Nekane falou de que existe un proxecto que asegura o futuro dos CC.TT.

 CC.OO. e UGT coñecen (e firmaron) este proxecto, o cal xurdiu no ano 2008 pero acabou nun caixón, ata a chegada desta Dirección.

 O anterior modelo, no que por un lado estaba TVE e por outro RNE, está agotado.

 Vaise procurar que TVE e RNE estén no mesmo edificio, na actualidade isto so se da en 4 Centros Territoriais. No extremo contrario están Euskadi, Extremadura e Galiza, nos que a cabeceira de TVE e a de RNE están en cidades distintas.

 O primeiro que se fará será actuar nos Centros que xa compartan espazos, nestes poñeranse ferramentas comúns e darase a formación precisa para que as sinerxias sexan efectivas no seu máximo nivel.

 Este proxecto de Integración, conta para este ano con un presuposto de 14 millóns e medio de euros. Non se integra para recortar.

 A estructura territorial é unha seña de identidade desta casa, é un valor que hai que poñer en alza e tratar de ser o 2º centro informativo, despois de servizos centrais.

 Enumerou varios Centros Territoriais en donde estaban obras paradas e que se están poñendo en marcha para tratar de conseguir esa unidade de espazos, de cara a integración (Bilbao, Andalucia, Mérida, Baleares, Aragón, Valencia).

 Logo da integración espacial, virá a dixitalización. Esperan ter RNE dixitalizada para finais deste ano. En setembro sairá o concurso (ou o resultado, non nos quedou claro) para que se estaleza que sistema será o que quede: avid ou Dalet (¿?), en calquera caso, o que saia vencedor” deberá de manter unha certa compatibilidade co que xa esté funcionando.

 O feito de que o sistema esté centralizado en Madrid, fai que este proceso que en principio levaria uns 10 anos, se faga en 3. En outubro faranse as primeiras probas en Castilla La Mancha.

 En canto á formación, para o caso dos/as redactores/as e técnicos/as de son, está bastante claro, co actual convenio xa non hai dúbidas; para o resto de categorias estase esperando a finalizar a negociación do novo Convenio, onde deberá quedar claro cales son as funcións de cada categoría.

 Está formación farase nos CC.TT., con profesionais dos propios centros que estarán visados polo IRTVE. Esta formación será voluntaria ata que se recolla no novo Convenio. Os sindicatos maioritarios conocen estes aspectos, so quedan pendentes algunhas cousas para que se firme.

 Todo isto está enfocado en que sexamos mais polivalentes para poder incrementar a Producción, pero todo dentro dunha lóxica, non se trata de facer 1 noticia á vez para TVE, RNE á falla de 1 hora para sair en antena.

A partires de aquí abreuse unha quenda de preguntas.

 Un traballador comentou o feito de que existan no mesmo Centro distintos formatos de gravación.

 Contestou que isto é algo que se tratará de cambiar,pero que todo o que estaba expoñendo non se ía facer en 1 ou 2 anos.

 Outro traballador dixo que os discursos estaban ben, pero que as palabras teñen que ir acompañadas de feitos que as corroboren, e este non é o caso. Non hai mais que mirar o edificio do CentroTerritorial, que está infravalorado , que se esta achatarrando.

 Tamén pediu que estivera mais presente a cultura territorial no Informativo nacional.

 Contestou Nekane que agora hai proxecto de futuro, que o importante é que cando, dentro dun par de anos, veña unha ou outra Dirección, que non se faga a eterna pregunta: Qué facemos cos CC.TT.?

 Agora estanse pedindo esforzos sobre unha base.

 Vaise incrementar a programación de Radio 5 para o mes de maio en cuarenta e pico horas. Haberá un boletín de media hora as 9 da mañá, que non ten porqué cubrirse con roldas de prensa, que se quere unha radio mais a pe da rua.

 Dende que chegou ela fanse unhas 400 pezas ó mes nos CC.TT. para o Informativo Nacional.

 Sobre o da cultura dos distintos territorios, dixo que ela, persoalmente, estaba moi sensibilizada co tema, xa que é de Euskadi.

 Un traballador preguntoulle se Radio 5 vai ser local ou provincial?

 Dixo que a CRTVE vai estar presente en todas as capitais de provincia.

 Que para a semana que ven vai haber un multiplez, onde se van aclarar todos este detalles.

 Volveu recalcar que o plan de formación estará listo en pouco tempo.

 Unha trabaladora de RNE preguntou se non se valorara a opción de en lugar de ter un informativo as 9 da mañá de 30 minutos, ter un as nove de 15 minutos e outro as 15:00 de outros 15 minutos? E tamén se por telo tan cedo non se vai a dar a información atrasada, a do día anterior?

 Contestou que o que se busca é unha radio moi viva, a pe de rua, con entrevistastelefónicas,... Que non se van emitir noticias do día anterior, buscarase a maneira de que a información sexa fresca, isto teñeno que solventar os responsables de organizar o Informativo.

 Bueno, o dito, isto mais ou menos foi o acontecido. Podedes facer as vosas aportacións/correcións a través dos comentarios desta entrada.

 Pedimos desculpas polos posibles erros, en caso de que os haxa, non son intencionados.

 Para esta Sección Sindical é moi importante que a plantilla, na súa totalidade, esté informada, polo que todo o que esté na nosa man para que así sexa farémolo.

Concentración do martes 9 de abril en Compostela.

Concentración do martes 2 de abril en Compostela.

Seguen as concentracións en RTVE Galiza.

Concentración do martes 26 de marzo en Compostela.

 En semana santa non solo se ven procesións.

Video didáctico.

Mais en: www.defiendertve.org 

Concentración pola defensa de RTVE

Seguimos realizando concentracións diante do centro de traballo como medida de rexeitamento á proposta de Convenio Colectivo feita pola Dirección da nosa Empresa.

 Os/as traballadores non estamos dispostos/as a que se xogue co noso medio de vida nin co servizo público que presta RTVE.

 Seguiremos loitando.

Concentración pola defensa de CRTVE.

Nova concentración dos/as traballadores/as diante do Centro Territorial.

Concentración de traballadoras/es diante do Centro Territorial de CRTVE Galiza.

Tedes a noticia no minuto 11 e 17 segundos.

Telexornal-Galicia - 12/03/13

• Telexornal-Galicia - 12/03/13

Concentración pola defensa de CRTVE.

Comezamos a mobilizarnos a plantilla de CRTVE. Hoxe as 10 da mañá concentrámonos diante do Centro de Traballo o motivo é a defensa do Servizo Público, das condicións laborais e dos postos de traballo.

 Estamos na negociación do II Convenio Colectivo da CRTVE, e a proposta por parte da Dirección pasa por tirar por terra todos os dereitos adquiridos o longo de moitos anos, pasa por desregularizar aínda mais as relación laborais e por seguir na precarización xa marcada polo  I Convenio Colectivo.

 O dereito a recibir/ofrecer una información libre e veraz, pasa por que quen ten que ofrecer esa información poida exercer a súa profesión nunhas condicións dignas, cousa que non queren que se poida facer dende esta Dirección e, por suposto, dende este Goberno.

 Unha Democracia estable, tamén se mide polos seus medios de comunicación, pola liberdade na que poden exercen a súa labor.

 Alguén aínda dubida de que  o PP sexa un partido democrático? Nos non.

ERC pide restrinxir as externalizacions en RTVE

ERC recorda que RTVE xa viviu un expedente de regulación de emprego(ERE) levado a cabo no ano 2006 que supuxo 4.100 despedimentos, e agora planea sobre a Corporación a necesidade dun novo expedente:
 mais info aquí.

Visita de sindicalistas de UGT-RTVE de Madrid.

Lugar/hora : Plató grande / sobre as 14:30 horas.

Asistentes: 23 traballadoras/es.

Comezan a charla dicindo que van a dar uns cantos “apuntes” e que logo pasaremos a plantexar as preguntas que consideremos oportunas.

- Hai un par de Reales Decretos moi interesantes, que teñen uns contidos que nos poden afectar moi directamente. Un é o publicado o 30 de outubro de 2012, no que se fala sobre o despedimento de traballadores públicos.

- No ano 2012 houbo un recorte de 200 millóns de euros e tívose un déficit de 104 millóns. No ano 2013 hai un recorte de 290 millón o que lle hai que sumar o déficit, como este se pode dividir en 2 anos, sumámoslle a metade, o cal da un “recorte total” de uns 350 millóns +/-

- Ca suma de recorte e déficit prodúcese unha redución moi importante do presuposto de RTVE, pasando duns 1200 millóns a uns 800, o que a súa vez, da lugar a que o índice da masa salarial con respecto ó presuposto total sexa de entre un 40 e un 50% (aínda que a masa salarial redúxose en 20 millóns). Seica calquera empresa na que o custe da masa salarial sexa mais dun 30% fai que sexa un empresa inviable.

Este presuposto é moi probable que, aínda que se supere a crise actual, non volva a subir.

- O Convenio foi denunciado polo Presidente da Corporación en setembro de 2012, seica para adecualo a normativa actual.

Fíxoo sen comunicarllo á parte social, cando o fixo foi dándolles unha copia cuñada do papel presentado na autoridade laboral (feitos consumados).

O de adecualo a normativa actual, por citar un par de exemplos da Reforma Laboral que nos vai afectar moi directamente, son o de que un 10% da xornada pode ser variable sen que iso supoña cobro de cantidade algunha e a mobilidade xeográfica.

- Estrutura territorial.
Parece ser que existen 3 fases en función da distribución xeográfica da Corporación.

Fase 1. Cando os centros de traballo de RNE e TVE están no mesmo lugar.

Fase 2. Cando están na mesma cidade pero en distinto lugar.

Fase 3. Esta só se da en Estremadura, Euskadi e Galiza, cando a cabeceira de RNE e a de TVE están en distinto lugar. Isto nun prazo de 1 ano, mais ou menos, pasarán a estar na mesma cidade o cal vai implicar traslados. Logo cando isto estea feito será cando se faga un estudo das plantillas.

Isto seica sae na Intranet.

- O consumo televisivo está mudando, a maioría da xente fai consultas en dobre pantalla, televisión e tablet, ordenador,… Por isto non se entende o cambio de pasar Interactivos a 24 Horas, o que debería ser o futuro (Interactivos) non debería de depender da dirección do 24 Horas.

- Hai en marcha un par de cursos, un para que os técnicos de RNE pasen a cámaras e outro para os redactores de RNE fagan TV. RNE estase absorbendo por parte de TVE.

- Por 2 veces que se reuniu o Consello de Administración ca Sra. Soraya Sainz de Santamaría, esta fixo fincapé en que a plantilla de RTVE é moi grande. Parte como referencia das do grupo Planeta e do grupo Mediaset, que andan nos 4000 traballadores/as.

- Seica non hai papel sobre a mesa con unha proposta para o novo Convenio, hai que ter en conta o que sería un teórico devenir de acontecementos:

Unha vez denunciado o Convenio ábrese un período de negociación dun ano, este remataría o 23 de setembro deste ano, se non hai acordo establécese un arbitraxe que ten un período de 3 meses e en caso de que non solucione o tema, aplicaríase o Estatuto dos Traballadores, dixeron que ata aquí non crían que se chegaría.

- Non se sabe se haberá un ERE, non hai nada enriba da mesa neste intres. Podería haber primeiro unha baixada de salarios e logo un ERE, xa que para calcular as indemnizacións téñense en conta os 6 últimos meses.

Dicían que hai que estar atentos/as a todo o que faga a Dirección e que é momento de ir todas/os a unha, non ten sentido “agocharse debaixo da mesa” e procurar que isto nos pase de largo, xa que non vai ser así.
Quenda de preguntas.

Un traballador pregunta se houbo conversas ca Dirección da Empresa para saber a súa proposta? E tamén preguntou polo tipo de ERE que se aplicaría, chegado o momento.

O primeiro, o único papel presentado pola Dirección falaba de quitar parte do salario base + antigüidade e poñer un complemento para estimular a produción??? Si contrataron unha asesoría, polo que é probable que nos próximos días presente algunha proposta.

En canto o do ERE, describiron varios que se levaron a cabo en distintos medios de comunicación e expuxeron que un dos problemas cos que contamos é que a nosa plantilla non da para facer prexubilacións, xa que dende o anterior ERE quedou unha plantilla con xente a que lle faltan moitos anos para chegar a idade de xubilación.
Ó non ser por idade o ERE, faríase por áreas, similar o de Telemadrid, cámaras, realizadores/as,….

Tamén se falou da financiación, ante a pregunta doutro traballador que apuntaba a que o Goberno non cumpría ca lei de financiación de RTVE.

Os compañeiros de Madrid dixeron que en breve, un par de meses, sairía a sentencia do Tribunal Europeo sobre a reclamación das Telecos sobre a financiación de RTVE, que lles obriga a aportar unha porcentaxe dos seus beneficios para finaciar o servizo de RTVE, e que esta sentencia sería favorable os intereses das Telecos. Polo que se sumaria ó déficit outros 160 millóns

Tamén explicaron que aínda que RTVE corre cos gastos de producir o 100% de series como Aguila Roja, non se pode beneficiar da venta destes produtos a terceiros (outras TV, ….) xa que non ten os dereitos.

Outro traballador dixo que na anterior visita dixeran que a Dirección plantexaba plantilla ou parrilla, e que agora parecía que o que se plantexaba era salarios ou plantilla. Tamén pregunto de si se tiña unha estratexia que non fose a mesma (ou unha alternativa) a que se fixera en Telemadrid.

Escolleuse claramente plantilla e de aí viñeran a non emisión das grandes series, o que deu lugar a unha baixada de audiencia brutal. Sen embargo agora, neste mes, acababamos de estrear dúas series das grandes, Cuéntame … e Gran Reserva. Tamén que se estaban emitindo películas de “primeiro pase”, como fora a de Transformers,…

Dixeron que se notaria moito mais, ante a opinión pública, unha hora de TVE a negro que un mes de Telemadrid a negro. Tanto por estar nos a nivel nacional como por ter un índice de audiencia maior que Telemadrid.

Volveu a preguntar o traballador polo de si había estratexia.

En novembro foron falar ó Parlamento Europeo (do cal cada vez dependen mais cousas que nos afectan) co Comité Económico e Social para que establecese un dictamen e regulara o funcionamento de todas as TV Públicas Europeas, xa que estas non están regulamentadas. Están pendentes de enviarlles documentación.

Traballaron con Alcaldes e Deputados/as onde hai Unidades Informativas, pasándolles información do que di a Lei sobre RTVE e a función que ten que facer.

No seu momento denunciaron o corte feito pola Dirección (de un día para outro) de RNE da onda corta para Europa e América,o que fixo que esta decisión se mudara.

Outro traballador dixo que se baixaba audiencia para logo recortar e se non se podería recuperar a forma de elección do Presidente da Corporación.

Seica está demandada esta forma de elección por entender que é inconstitucional. Á espera da sentencia.

Sobre as sinerxias, preguntaron un par de traballadores.

Para eles se sinerxias é pasar información de RNE a TVE, e viceversa, veno ben. Pero se é unir informadores/as de RNE e TVE, non o ven ben, xa que son dous medios distintos e dous xeitos distintos de traballar.

Tamén dixeron que a formación ten que ir homologada polo IORTV, que un curso de 1 semana para que un técnico de RNE faga de cámara non é suficiente, e moito menos dado por un compañeiro “nun momento”.

Si dixeron que a Dirección estaba “tanteando” , mirando cal fora o índice de participación na última folga, cambiando o destino dos/as traballadores/as das UU.II. para os CC.TT., mirando cal era a reacción da xente, “si cola, cola”.

Por todo isto hai que estar atentos, non vaia ser que cando nos demos conta xa non haxa marcha atrás.

Video sobre a loita en Telemadrid.